Huki Doe Willems

Pedro Odulio Willems a nase riba 29 di aprel di aña 1914 na Kòrsou.
Doe manera tur hende tabata yam’é a biba semper den Otrobanda.

Doe su profeshon a enserá tur lokual ta konserní seguro, su pashon mes tabata deporte i e tabata semper un gran amigu di Netto.

Tur atardi despues di trabou, Doe tabata pasa fielmente na Netto Bar kaminda nan dos tabata kòmbersá, mientras Doe tabata bebe algu.
Doe tabata sinta semper na un lugá fiho den bar, esta den un huki parti patras.

Doe a muri riba 29 di novèmber di 2002.
Despues di Doe su fayesimentu, riba inisiativa di su yunan, a batisá e huki kaminda el a sinta semper den Netto Bar komo ‘Huki di Doe’.


E kos di mas grandi ku el a laga tras ta su konvikshon ku e balor di mas grandi den un hende su bida mester ta:”atenshon pa otro", pasobra bienestar di bo komunidat ta influenshá bo bienestar tambe. Pa Doe un palabra klave tabata konvivensia.

Ku su pòtrèt den e famoso huki, nos lo rekòrd’é semper den "NETTO BAR".