Biogafia di Ernesto I. Koster

Ernesto Koster a nase 23 yanüari 1915 na Kòrsou.
E tabata e yu mas chikí di e pareha Cornelis Joseph Koster i Abelina Petronillia Koster-Cornet.
Huntu ku su sinku rumannan el a lanta den e bario di Jandoret.
“Netto”, manera tur hende a yam’é, a bai skol di fraternan na Otrabanda.
Despues di ora di skol e tabata keda na Otrabanda pa siña un fishi, manera tabata kustumber den e tempu ei.
Na edat di 14 aña el a kuminsá traha na ‘Stupi Haltu’, bar di Shon Petrus Pietersz (Shon Zjen Pietersz).
Netto a kasa na aña 1947 ku Vera Eersteling i for di e matrimonio aki a nase kuater yu.
Na un edat relatívamente hóben el a tuma e desishon di kuminsá ku su mes negoshi.

Soño ku el a logra tambe 18 di desèmber 1954 ku apertura di Netto Bar.
Pa Netto, su famia i su trabou tabata semper na promé lugá.


Durante di hopi aña Netto tabatin un di su rumannan, Isbelio(Shon Be) Koster komo su man drechi den su trabounan diario tantu den Netto Bar komo den Bar Kolebra Bèrdè.

Netto tabata un gran afishonado di e deporte di futbòl i na diferente okashon el a bai Kampeonato Mundial di futbòl.

e.o. esun di Mexico (1970), Alemania (1974) i Argentina(1978).Den un grupo di amigu i ku su bon amigu di infansia, Sr. Doe Willems.


For di kada un di e Kampeonatonan Mundial ku el a bishitá, semper el a bolbe ku un ke otro artikulo di rekuerdo , ku te awe ta dòrna interior di e Bar.
artikulo di rekuerdo >>

Na aña 2002, na edat di 87 aña el a retirá di su trabou den Netto Bar.
El a fayesé 21 di yüni 2004 na edat di 89 aña; algun luna promé ku el a kumpli 90 aña.
Tambe algun luna promé ku su bar ku tantu el a stima a selebrá 50 aña di eksistensia. 

 

Netto su mensahe di bida tabata:
'Traha duru, pa bo logra tur loke bo ke ku sodó di bo frenta.
Yuda semper kaminda bo por'.